Liderët e ardhshëm të teknologjisë nga Korça dizajnojnë zgjidhje teknologjike me impakt social.

Pas një rrugëtimi intensiv online, në një orë të hapur tërësisht të veçantë, 5 të rinjtë korçarë vizionarë, pjesë e projektit “ Fuqizimi i Liderëve të ardhshëm të teknologjisë nga Korça”, të sponsorizuar nga platforma Smile.al, konkretizuan në praktikë trajnimin e tyre.

Në një orë të hapur u kalua nga teoria në praktikë, duke u fokusuar në dizajnimin e një zgjidhjeje teknologjike me impakt social.

Metodologjia: Human-Centered Design (HCD)

Në qendër të punës u vendosën parimet e Human-Centered Design. Duke analizuar me empati nevojat e moshës së tretë, synuam të thyejmë barrierat dixhitale përmes një ndërfaqeje intuitive. Procesi i brainstorming u udhëhoq drejt ideimit të funksionaliteteve që maksimizojnë aksesueshmërinë dhe thjeshtësinë e përdorimit (UX - User Experience).

Materializimi në Figma

Nga skicat në letër, u kalua në Figma. Përdorimi i këtij mjeti industrial shërben për të ndërtuar prototipat e parë, duke u fokusuar në:

* Visual Hierarchy: Për të lehtësuar navigimin.

* Inclusive Design: Elementë vizualë të përshtatur për shikueshmëri të lartë.

Arkitektura me React Native

Për ta bërë idenë më të prekshme, u diskutua mbi implementimin teknik duke përdorur React Native. U analizua se si strukturat tona në Figma do të përkthehen në Reusable Components, duke siguruar performancë dhe përshtatje të plotë (Responsiveness) në platformat iOS dhe Android.

Bashkëpunimi në këtë konkretizim solli një energji të re në grup, duke dëshmuar se kur vullneti i të rinjve dhe dëshira për të ndihmuar komunitetin bëhen bashkë, asnjë sfidë nuk është e pakalueshme. Kjo seancë dëshmoi se zgjidhjet më të mira lindin aty ku njerëzit kuptojnë vërtet njëri-tjetrin dhe punojnë së bashku.